Cantar de bodas
Música popular
Canción recogida en los cuadernos de Eudosia (consultar aquí) e interpretada por Laura y Amanda.
(Texto facilitado por Laura y Amanda)
Cantar de bodas
Dámos-ḷḷys los buenos días
A todos en xeneral
Con humildá-ḷḷys pidimos
La ḷḷicencia pa cantar
Entre aḷḷegre comitiva
De los parientes ya amigos
Reḷḷuman pola elegancia
Los novios ya los padrinos
No mediu d’esti caminu
Que se detenga la boda
Pa ver bien paráu el sol
Pola madrina ya novia
No pueblu de Samiguel
Críanse mozos mui finos
Tenemoslo eiquí a la vista
Cono noviu ya’l padrinu
El padrinu d’esta boda
Yía un ramín bien floridu
Que por él pierden el suenu
Las mozas d’esti partidu
Yá te puxenon la estela
Pueden chamate casada
Yá nun puedes desfaer
El nuedu de la ḷḷazada
La novia que casa güei
Desciende de la nobleza
Porque Sousas siempres tuvo
Fama de ser xente buena
Deténganse los señores
Al pía la fonte fría
Eiquí convida’l padrinu
A favor de la madrina
Vivan los novios de güei
Que tan contentos los veo
Felicidá ya riqueza
Nesti día-ḷḷys deseo
Esta mañanina en Sousas
Formosa nueva pasóu
La mirada del padrinu
Los rayos del sol clisóu
Vivan los nobles padrinos
Viva’l feliz matrimoniu
Ya’l mozu que nunca case
Que se lu ḷḷeve’l demoniu